FxTraderHK

好多香港投資者做差價合約（CFD）時，都只留意「點差」，卻忽略了一個長期會蠶食利潤的重要成本 —— 隔夜利息。

簡單講，CFD屬於保證金槓桿交易，你用少量資金控制較大合約價值，本質上等於「借錢」做交易。
只要持倉過夜，交易商就會收取融資利息，這個費用就叫做「隔夜利息」。

隔夜利息如何計算

隔夜利息的計算方法其實好簡單：
每日隔夜利息 = 合約總價值 × 年利率 ÷ 365
（部分平台可能用360日計算，實際以交易商為準）

要留意，計算基礎係你控制嘅整個合約價值。例如你買入價值100,000美元的部位，就算只用5,000美元保證金（20倍槓桿），利息都係按100,000美元去計，而唔係5,000美元。

假設年利率係3%，計算方法就係：
100,000 × 3% ÷ 365 ≈ 8.22美元
即係持倉一晚大約要8.22美元。如果持有30日，成本就接近246美元。持倉時間越長，利息自然會慢慢累積。

另外，做多同做空的利率可能會有差別。一般情況下，做多（買入）會在基本利率上加銀行拆息；做空（賣出）則可能減拆息，所以兩邊成本未必一樣。

現貨CFD vs 期貨CFD隔夜利息

好多人都會問：現貨CFD同期貨CFD，隔夜利息有咩分別？

最核心嘅差別係——現貨CFD通常會收隔夜利息，而期貨CFD一般唔會收。

現貨CFD本質上係槓桿融資交易，只要你持倉過夜，交易商就會按合約總值每日計算隔夜利息。因為你等於借錢持有部位，所以時間越長，利息成本會慢慢累積。對於短線交易者影響未必大，但如果持倉幾星期甚至幾個月，成本就開始明顯。

期貨類型CFD則不同。期貨價格本身已經包含資金成本（包括利率及持倉成本），所以一般唔會另外再收隔夜利息。不過，期貨CFD通常點差較高，而且有到期日，到期前需要轉倉，可能會產生額外成本或價差風險。

隔夜利息注意事項

第一，要留意持倉時間。單日利息睇落好低，但如果持有幾星期甚至幾個月，累積起來可以變成一筆可觀成本。尤其當市場橫行、價格波動唔大時，利息可能會慢慢蠶食原本嘅盈利空間。

第二，要知道結算時間未必係凌晨12點。每個交易平台都有自己嘅隔夜結算時間，有啲係英國時間晚上、有啲係美國時間晚上。如果你唔清楚結算時點，可能以為自己只持有一陣，其實已經被收咗一日利息。

第三，週末或假期通常會一次過收取3日利息（視乎產品及平台安排）。即係話，你星期五持倉過夜，收費可能比平日多。

最後，唔同貨幣本身有唔同利率水平，利率會跟隨市場利率變動。當銀行拆息上升，隔夜利息亦會相應提高。做多同做空方向不同，利率調整方式亦可能不同，所以唔好假設成本永遠固定。

廷伸閱讀：CFD平台推薦